تكشبيلة مراكشية 6
كبرا وكبرت اهتماماتهما الحياتية بتفاصيلها وحيثياتها.. وتباينت أيضا المسافات الجغرافية بينهما.. لكن ظل ما يجمعهما حاضرا
وبقوة.. حب المدينة الزاخرة بالتراث والتاريخ بروح طفولية تأبى أن تكبر..
إنها حكاية طبيب وفنانة مسرحية..
تكشبيلة مراكشية
دليلة حياوي
الجزء 6
فأجاب وهو يأخذ نفسا عميقا:
* بالعقل! بالعقل مع صاحبتك الحياة مستحيلة. وماشي انتي السبب.. لأنه لو كنتي انتي كون…
قاطعته بسرعة :
– كون اشنو؟
* كون تفرقت معها أول ما تفرقتي انتي مع راجلك!
هي باحتجاج:
– قلتليك السابق ال سا ب ق! السابق!
هو:
* وكون راه ولدي أوبنتي معك كملوالابتدائي وغادي يبداوْالإعدادي هاذ العام.
هي ساخرةبحدّة:
– لَواه التوأم! وتلقاني عْر بَنت ليهم هاذالصيف ا لنگافات والطبالة والغياطة! العْزيبَة نديرليها نهارالصيام بالنقيش وأبراز! والعزري ختمة القرآن من بن يوسف على العاود وزيارة سبعةرجال!
* شفتي؟حتى الطنزالمراكشي ديا لك فيه أصالة روح صوفية ماشي وهابية تكفيرية تتطيرالعقول بالسيوف وعثمانية تتسالي مع الوعي بالمنجنيق والخازوق!
– واش ضربتك شمس أبْلوح؟؟ولاتسيْفات ليك لالةعيشة البحرية؟
* تسيْفات الأسباب. النحس ديال أمّ صاحبتك اللي غيرلابسةجلابتها وجاياني محزمة بلااحترام للزمان ولاتوقير المكان.. تصوري وليتت نلقاهاعند راسي في ا لعيادةعلى أدنى ىسوء تفاهم مع بنتها! ما تتحترم حتى خصوصيات المرضى ـ إيوا لالة نوووووفيسة معلوم عليها الهيستيرية المتسلطة من واحنا صغار عارفين هاذ الشي! المهم بنتها ماشي هيا!
هو:
* بنتها؟!؟!. نسيتي الأنانية والتشاؤم ديالها.. خوفها من غدا. التخونيج،الاستلاب. قلةالاحترام والاعتبارليا. نسيتي أنها تتحشمني فيالاستقبالات دالمؤتمرات الوطنية والدولية منين تتبدا تدير التبليغ والدعوة للتوحيد بزّز؟.. نسيتي الإهمال الزوجي. وعبس وتولى..النكدوالحزن. التكبر والعناد وزيدوزيد. نسيتي أننا عمرنا ماتفاهمنا؟!
هي مازحة:
– المنطق تيقول على الأقل تفاهمتو زوج مرات هوما هاذوك فاش درتوالذراري !
* إيوا اش ظهر ليك ا نه هاذوك الذراري قالولنا: علاش ما تفرقووتريحونا.أحسن نشوفوكل واحد منكم بوحدو وراشقة ليه على أنكم
مجموعين على خزيت وحياتنامعكم جحيم.. كون شافوك كون قالوهاليك حتى انتي!
– خرجوني من هاذ”تكشبيلة” ديالكم!
هو بعجب:
* ياحليلي! نزلتي عندنا من سور المعرفة؟؟؟.. أول مرة ما تتقوليش “تلك إ شبيلية” بالفصحى! يا ك مات شي يهودي في الملاّح؟واش هتلر خلّى بعدا عندكم شي ملّاح تمّا في برلين؟؟؟
– لا.. لكن غورباتشوف حط الحجر الأساس ديال واحد آخور منين طيّح الحيط!
* بغيتي أو كرهتي. أناهذرت معى المحامي وغادي نبدأقضيةالطلاق وتأخذ صاحبتك اللي راضعةالطمع گاع الليبغات. الفيلا ودارالبحروعزيب الجبل حتى هو.ماشي مشكل. أناليدرت لفلوس ماشي لفلوس الليداروني.بغيت نرتاح في هاذالعشرين أوخمسةعشر عام لي ب قات في العمرغيرشقةصغيرة ديال السكنالاقتصادي!
– الضحى؟ولا الشعبي؟
* سمعيني هاالعار
– شوف راه وقيلاضربك حتى سيدي بوشعيب الرداد شيخ العزارة ماشي غيرلالةعيشة البحرية!
* الملحون اللي في مسرحيتك الأخيرة اللي ضربني جاب لي التمام. سلمت ورخيت اللجام.. حسيت قلبي تيبكي الدم.
– تبرع بشوية! .. ياك كاين خصاص في بنك الدم بالمغرب!
* مشّي هوسهمك! يشويني فيك اشاطة ماطةان شاءالله!
– هههههههه! مرحبابمسخوط لالة شاشة! هاانت رجعت لحالتك ا لطبيعية! مشاو الجنون! باش بخرت؟
* عليا لا بالله حتى نبخر أنا وياك بشجرة عود قماري كاملة وجبل جاوي في أندونيسيا! غير قولي إيه!
ـ إيه علاياش؟!
* انتي بوحدك وأنابوحدي. ومن الصغربينا تفاهم كبير. حتى صاحبتك تتقولها.
– وهذا في نظرك اكتشاف؟
* الاكتشاف هو اني بغيت نكمل حياتي معك. إذا قبلتي عليا.
– آهيااااوا
* أنامحتاج للحب ديالك..الحنان ديالك..كلامك الموزون والمؤدب
(يتبع)
عن الكاتب
