كبرا وكبرت اهتماماتهما الحياتية بتفاصيلها وحيثياتها.. وتباينت أيضا المسافات الجغرافية بينهما.. لكن ظل ما يجمعهما حاضرا وبقوة.. حب المدينة الزاخرة بالتراث والتاريخ بروح طفولية تأبى أن تكبر..
إنها حكاية طبيب وفنانة مسرحية..
تكشبيلة مراكشية
دليلة حياوي
الجزء الأخير
هي:
– أنا رودانية الأصل! يالله!
هو: وأنا سرغيني شريف إدريسي سرى أجدادي بالليل للمغرب ولقاو الغِنى: أجمل النساء بأطيب تربة وهانا جاي ساري باش نغني روحي بجوهرة أمازيغية لا تقدر بثمن.. انا اللي عارف قيمتك رآك كبرتي قدامي ومعايا
* يالله!ما تبقاي غيرعلى خاطرك.. إلى مسْتَحْلي الألم وداير فيها قديس يتعذ ب لأجل الاخرين.. عيسى المسلمين..
– آهياوااااا؟
* كاين اللي تيلقى سعادته في تعاسة عواطفو..
– مالك تتدعق؟
* وتيعجبه يمحّن رأسه! عارف سعادته فين ومع من!لكن تيبقى يتعذب ويعذّب تلقايَه تيخررررج ليك ويحطّ حداه في حُجج ومبررات ماأنزل الله بها من سلطان
-امتى زدت تخصص التحليل النفسي؟
* على ماعرفني ربي بيك هذا مغربي..ومراكشي وأكبرمنك
– باش عرفتيها؟
* عارف شروطك بلا ماتقوليها!.. عنده زوجة سابقة وأغلب الظن ألمانية إذا ما كانت من غجر أوربا وتَلْقايَهْ تيدخلَك لالـ “سبع تلاوي من القصور” ويخرررجك منهم في “الفحل الزفريتي” ولا “دفة وربع”.. وانت عطشانة! مرة خائف يصدم الأولاد.. مرة نفقة الزوجة المُسرفة إبان الأزمة الاقتصادية العالمية.. وإذا كانت مغربية تما بقيتي آمسكينة
* كوني صريحة.. وقولي أنوبحال الجاوْج معمر عليك ا لشوارج بتويشيات ا لهذرة ديال المجتمع التعيس!.. حشومة قدام الناس!..وااااش غادي يقولو الجيران؟.. وعيب! المعارف راه دايرين السربيس من دبا باش يرمواالعار.. إيوا في الحالتين نقوليه يخوي الطوالة إذا ما ناوي ثمارة وما قاد على زحام!
– علاش ماتشرب.. dolipraneأوaspergic ولا بزوج گاع وتمشي تنعس؟
