تكشبيلة مراكشية

كبرا وكبرت اهتماماتهما الحياتية بتفاصيلها وحيثياتها.. وتباينت أيضا المسافات الجغرافية بينهما.. لكن ظل ما يجمعهما حاضرا وبقوة.. حب المدينة الزاخرة بالتراث والتاريخ بروح طفولية تأبى أن تكبر..
إنها حكاية طبيب وفنانة مسرحية..

تكشبيلة مراكشية
دليلة حياوي
الجزء 8
هو:
* أنا محتاج ليك
– عمري تخليت عليك لا أنت ولا مراتك ولا أولادكم؟وخّى ماشي لالة مولات ا لعقل لكن تنحاول نسمعكم ونفكرمعكم!
* مدينتك محتاجاك
– خررررج مراكش من ا لهذرة! حسابي معها بوحدو!
* جدّاااك محتاجاك
– شْكات عليك؟
* ماشي ضروري راه أنا اللي متابع حالتها.. وشحا ل من مرض سببه نفسي ماشي عضوي
– دبا نقولها ترجع عند الدكتورعرّاض! بالفرحات عليها.. انت بعدا عمرك ماعمرت ليها العين باقيةحاسبة ولد لالة أم هاني ذرّي صغيرودواه حتى يقولها الفرماسيان ا لتعارجي ولاالتازي غيرخذيه مامنوخوف عاد تاخذوههههههه!
* حتى نمشي عندهاونشبعهاهرررررررررمن قاع رجليها
-ههههههههه هيا توحشت تسمع المعيورمن المنقي خياره
* تذكري كلامك: ناضجين بما فيه الكفاية واللي بقى في ا لعمر أقل بزاف من اللي داز!
– مالك درت الإحصاء لكلامي هاذ العشية؟
* من مشينا عند جدّاك الحاجة في العيد الصغير قبل ما نسافرللتايلاند. قالت الواليدة واحنا راجعين في ا لطريق: الله يرحم وحدتنا في أيام ا لضعف. الذرية في الخارج بوحدها والحاجّة هنا بوحدها. الله يلمّ شملهم.
– شكرها من عندي على ا لعواطف النبيلة! المرة الجاية نجيب ليها معايا القهوة والكولونيا وصابون ا لريحة بزايد!
* تمعني في كلام الواليدة وبلاتفجال في الهذرة! الله يلمّ شملهم. قالتها قبل مانمشي للتايلاندغيربنهارياك؟.
– يمكن نهار ونص ما تنساش فارق الساعات!
* مشّي!إيواآلالة في هذاك السفرتهرس الكأس وطاروشقوفومع صاحبتك. لاالجرح غادي يبرأولاالكأس غادي يتجبر.. دعوة الواليدة في ا لعواشرصادفت ساعةاستجابة. وإذاقبلتي .. مشاكلنا مجموعين غادي تحل..
– رآك كترگع سمح ليا
* ماتحكميش بالزربة عارالله. وإن شاء الله نركع أنا وانتي في الكعبة والمسجد النبوي..في عمرة الميلود. نكون تطلقت ذيك ا لساعة وتزوجتك! شهر العسل في مكة والمَدينة اش بغيتي اكثر من هاذ الشي يالله؟
– قلت ترگع!ماشي تركع!
* غادي نجي نجيبك للمغرب باش من نبقاش نرگع!
– أول حاجة.. عرفت موقفي من الحج والعمرات..
* واك واك حافظو بالحرف: إذا فرضاً زادوا الفلوس على حاجتك واحتياجاتك غادي تفكي بهم كربة أرملة مهددة بالطرد من السكنى ديالها، أو يتيم باش يكمل دراستو، أو يتيمة باش تزوج، وما غاديش تهدي فلوس عرقتي فيها في جيوب آل سعود يخسروهم من بعد على عرق الراقصات في لبنان أو الدار البيضاء أو لندن!
– ثاني حاجة واش بلادي ما عارفاش في نظرك طريقها؟غادي نتوضرفي المطارات باش تجي تجيبني؟
* نجيبك.. بالطونوبيل لأن الطيارة صعيبةعلى وضعك الصحي.. ونديرليك دخلة رسميةحد القنطرة القديمة ديال تانسيفت! تلقاي وثاق ا لخيمة المخزنية مضروب واحبابنا كاملين في انتظارك دخلة تورررررخفي مراكش! يعاودها الميت لحفارين قبرو!
– بالتقيتيقات ياك؟!
* فلكلور الحوز كامل! نقّل ليك مهرجان قصر البديع السعدي لقنطرة تانسيفت المرابطية!
– الصورة زوينة وترضي غرورأي امرأة لكن عارفها مستحيلة!
* نعطيك شهر.. شهر!.. شهرونص! من هنا لراس العام گاع!جمعي الغالي من حوايجك وسالي مسائلك الإدارية و…
معترضة:
– وااااالسكات أحسن والله
* لاعلامة الرضا
– رضا اخوك؟
* يشويني فيك آشاطة ماطة! تتقلبي كلشي تهريج سبحان الله ومع ذلك غالية وهااناجاي!
هي بحزم:
– ماعندك فين تجي!
* غادي تسدي ا لمراسي والأوطيلات ديال المدينة؟
– غادي نسد عينيا ونديرراسي ماقريت والومنك اليوم
* تتعرفيني لصقة تقولي مصاوب من علف المشماش البلدي..
– الله يا ربي مولاي!إيوا سير لصّق اشفارك! والعن ا لشيطان ونعس في هاذ الليلة المباركة والمسعودة!راك يمكن طرطقت ليا المرارة! مرار حلقي أكثر من علف مشماشك
* أنا نداوي لالة حبي.. لاش قريت إذا ما داويتك انتي؟..
– ماشي حبك الله يرحم والديك وخّى أحياء!.. أنا بنت جيرانكم ديال مدينة حسابي معها عسير
* ها نا جاي ناخذك وتلعني معهاالشيطان.. مراكش يا لالة كلها سعدانة بيك
– تاخذني واش اناسلعة؟
* بضاعتنا نردها لينا
– اش كليتي اليوم؟
* ماكليت من البارح والملحون في مقطع مسرحيتك زاد سد لي الشهية وفتح عينيا
-نمسحو؟
* تنشق في الروح
– شوف راه ماكاين لاحُب ولابضاض.. غيرجاب ليك الله.. حالة انفعالية ماحاسبش للتوابع ديالها حساب.. بغيتي تعطي لنسيبتك درس بيا أنا حيث الوحيدة اللي قادرة تناقش معها.. باش ما نقول توقفها عند حدها!
(يتبع)